സ്റ്റേറ്റ് മെറിറ്റ് സ്‌കോളർഷിപ്പ്

ഒന്നാം വർഷ ബിരുദ കോഴ്‌സിന് പ്രവേശനം നേടിയവർക്ക് നൽകുന്ന സ്റ്റേറ്റ് മെറിറ്റ് സ്‌കോളർഷിപ്പിന് ഒക്ടോബർ 31 വരെ അപേക്ഷിക്കാം. സംസ്ഥാനത്തെ സർക്കാർ/എയിഡഡ് ആർട്സ് ആൻഡ് സയൻസ് കോളേജുകളിലും മ്യൂസിക്ക് സംസ്‌കൃത കോളേജുകളിലും 2024-25 വർഷത്തിൽ ബിരുദ പ്രവേശനം നേടിയവർക്കാണ് അപേക്ഷിക്കാൻ അവസരം. പ്ലസ്‌ടു പരീക്ഷയിൽ 85% ത്തിലധികം മാർക്ക് നേടിയിരിക്കണം. പ്രതിവർഷം 10,000 രൂപയാണ് സ്കോളർഷിപ്പായി ലഭിക്കുക.

പ്ലസ്‌ടുവിനു 95% വും അതിൽ കൂടുതലും മാർക്ക് നേടിയ 1050 വിദ്യാർത്ഥികൾക്ക് വരുമാന പരിധി നോക്കാതെ സ്‌കോളർഷിപ്പ് അനുവദിക്കും. പ്ലസ്‌ടുവിനു 90%വും അതിൽ കൂടുതലും മാർക്ക് ലഭിച്ചവർക്ക് രണ്ടര ലക്ഷം രൂപ പ്രതിവർഷ വരുമാനപരിധി കണക്കാക്കി 1050 വിദ്യർത്ഥികൾക്ക് സ്‌കോളർഷിപ്പ് ലഭിക്കും. 85%വും അതിൽ കൂടുതൽ മാർക്ക് ലഭിച്ച ബിപിഎൽ വിഭാഗത്തിൽ പെട്ടവർക്ക് വരുമാന പരിധി പരിഗണിക്കാതെ 1050 പേർക്ക് സ്കോളർഷിപ്പ് ലഭിക്കും

സയൻസ്, കൊമേഴ്‌സ്, ഹ്യുമാനിറ്റീസ് വിഷയങ്ങൾ പഠിച്ചവർക്ക് 1:1:1 അനുപാതത്തിലാണ് സ്‌കോളർഷിപ്പ് ലഭിക്കുക. ഡിഗ്രി ഒന്നാം വർഷം മുതൽ തുടർച്ചയായി അഞ്ചു വർഷത്തേക്കാണ് സ്‌കോളർഷിപ്പ് ലഭിക്കുക. മറ്റേതെങ്കിലും സ്‌കോളർഷിപ്പ് ലഭിക്കുന്നവക്ക് ഈ സ്‌കോളർഷിപ്പ് ലഭിക്കുന്നതല്ല. അപേക്ഷകർക്ക് ഐ.എഫ്.എസ്.സി കോഡ് സൗകര്യമുള്ള ഏതെങ്കിലും ബാങ്കുകളിൽ അക്കൗണ്ട് ഉണ്ടായിരിക്കണം.

അപേക്ഷിക്കേണ്ട വിധം: കോളേജ് വിദ്യഭ്യാസ വകുപ്പിന്റെ www.dcescholarship.kerala.gov.in/, www.collegiateedu.kerala.gov.in/ എന്നീ വെബ്‌സൈറ്റുകളിൽ നൽകിയ ഫോം ഡൌൺലോഡ് ചെയ്ത് പൂരിപ്പിക്കേണ്ടതും നൽകിയിട്ടുള്ള ഗൂഗിൾ ഫോം ഫിൽ ചെയ്യേണ്ടതുമാണ്. ആറു മാസത്തിനകം എടുത്ത പാസ്സ്പോർട്സ് സൈസ് ഫോട്ടോ, മാർക്ക് ലിസ്റ്റ്, ബാധകമായതിനനുസ്ടിച്ച് വരുമാന സർട്ടിഫിക്കറ്റ് എന്നിവ അപേക്ഷയോടൊപ്പം സ്ഥാപന മേധാവിക്ക് സമർപ്പിക്കണം.